داخلا جي تاريخ 2013-04-23
داخلا نمبر 6348
عنوان تيونس
شاخ ملڪ
پڙهيو ويو 202 ڀيرا
داخلا جو حوالو انسائيڪلوپيڊيا سنڌيانا جلد ٻيو
تيونس جو نقشو

تيونس جو نقشو

تيونس

تيونس (Tunisia ):هن ملڪ جو سرڪاري نالو الجمهوريه التونيس (Republic of Tunisia) آهي ۽ پراڻو نالو ڪارٿيج (Carthage) آهي. هي اتر آفريڪا جو ملڪ آهي، جنهن جي ڪل پکيڙ 164510 چورس ڪلوميٽر (633302 چورس ميل) ۽ آبادي 96 لک 45 هزار آهي. هن جي گادي جو هنڌ تيونس (Tunis) ۽ سرڪاري ٻولي عربي آهي. هتان جي موسم رومي سمنڊ جي ڪري خوشگوار آهي ۽ ملڪ جي اندرين حصن ۾ موسم خشڪ ۽ گرم هوندي آهي. تيونس جي مکيه زرعي يپداوار ڪڻڪ، جَوَ، زيتون، کجي، مٺو ميوو، انگور، سنگترو، ليمون، پستا، ڀاڄيون، انجير آهي. جڏهن ته مکيه صنعتون کنڊ، آئل، ريفائنري، سيمنٽ، ٽيڪسٽائيل، فوڊ پروسيسنگ، تيل جون شيون، عمارتي سامان، گيهه ۽ شيشو ٺاهڻ آهي. تيونس هڪ آزاد جمهوريه آهي، جتي صدارتي طرز جي حڪومت قائم آهي. صدر رياست جو مملڪتي اڳواڻ (Head of State)، سڀني انتظامي اختيارن جو مالڪ ۽ هٿياربند فوج جو سپريم ڪمانڊر آهي. صدر 5 سالن لاءِ عوام جي ووٽن سان چونڊيو ويندو آهي. حڪومت جو اڳواڻ وزيراعظم هوندو آهي، جنهن کي صدر نامزد ڪندو آهي. تيونس جي آزاديءَ جو ڏهاڙو 20 مارچ 1956ع آهي ۽ ملڪ کي گڏيل قومن جي اداري (UNO) جي ميمبرشپ 12 نومبر 1956ع کان آهي .


هن صفحي کي شيئر ڪريو

هن داخلا لاءِ تاريخ جا حوالا موجود نه آهن

ملڪ - ڀاڱي جون ٻِيون داخلائون

باگڙ ديس
بحرين
اسرائيل
افغانستان
برطانيا
برما
انڊيا
انگلنڊ
اردن
ايران
ملڪ ڀاڱي جا وڌيڪ مضمون