داخلا نمبر 4728
عنوان تنزانيا
شاخ ملڪ
پڙهيو ويو 274 ڀيرا
داخلا جو حوالو انسائيڪلوپيڊيا سنڌيانا جلد ٻيو
تنزانيا

تنزانيا

تنزانيا

تنزانيا (Tanzania ):هن ملڪ جو سرڪاري نالو متحده جمهوريه تنزانيا (United Republic Of Tanzania) آهي، هي ڏکڻ اوڀر آفريڪا ۾ آهي. هن جي اتر ۾ ڪينيا ۽ يوگينڊا، اوڀر ۾ هندي سمنڊ، ڏکڻ ۾ موزمبيق، مالاوي ۽ زميبيا، اولهه ۾ ڪانگو (زائري)، برونڊي ۽ روانڊا آهن. تنزانيا هڪ جابلو ملڪ آهي. مٿانهين سطح جي بلندي 12 ميٽرن تائين آهي، پر ڪناري وارو علائقو سنئون آهي. ٽڪرين جا سلسلا اتر اوڀر ۽ ڏکڻ اولهه طرف وڌن ٿا. تنزانيا ۽ رنجبار، پمبا ۽ مافيا جا ٻيٽ به شامل آهن. تنزانيا جي ڪل پکيڙ 945087 چورس ڪلوميٽر (364990 چورس ميل) ۽ آبادي 3 ڪروڙ 19 لک 63 هزار آهي. هتان جي موسم گرم ۽ گھميل هوندي آهي. جون جولاءِ سردي ۽ جنوري فيبروري گرمي جا مهينا آهن. ٽڪرين جي موسم خوشگوار رهي ٿي. تنزانيا جي گادي جو هنڌ دارالسلام ڊوڊوما (Dar-Us-Salam Dodoma) آهي، تنزانيا جي سرڪاري ٻولي سواحلي ۽ انگريزي آهي، جڏهن ته نبتو، عربي ۽ هندي پڻ ڳالهائي وڃي ٿي.
تنزانيا هڪ آزاد ۽ خودمختيار وفاقي جمهوريه آهي، جتي صدارتي طرز جي حڪومت آهي. صدر رياست جو مملڪتي اڳواڻ، سڀني انتظامي اختيارن جو مالڪ ۽ هٿياربند فوج جو سپريم ڪمانڊر آهي. هتان جي زرعي پيداوار ۾ لونگ، سيسل (رڳدار ٻوٽو)، ڪپهه، چانهه، ڪافي، تماڪ، ناريل، ڪاجو، گرم مصالحو، چانور ۽ ڪمند آهي. ۽ مکيه صنعت ۾ فوڊ پروسيسنگ، ڪپڙو اڻڻ، تيل جي صفائي، سيمنٽ، ايلومينيم جا ٿانو، چمڙي جون شيون، ڪيميائي شيون ۽ صابڻ آهي. تنزانيا جي آزاديءَ جو ڏهاڙو 26 اپريل 1964ع آهي .


لفظ تنزانيا هيٺين داخلائن ۾ پڻ استعمال ٿيل آهي
افغانستان
انساني قدمن جا پنڊ پهڻ نشان
تنزانيا
ڄاموٽ سيد ذوالفقار علي شاهه
هن صفحي کي شيئر ڪريو

هن داخلا لاءِ تاريخ جا حوالا موجود نه آهن

ملڪ - ڀاڱي جون ٻِيون داخلائون

باگڙ ديس
بحرين
اسرائيل
افغانستان
برطانيا
برما
انڊيا
انگلنڊ
اردن
ايران
ملڪ ڀاڱي جا وڌيڪ مضمون