داخلا جي تاريخ 2013-04-12
داخلا نمبر 6113
عنوان تائيوان
شاخ ملڪ
پڙهيو ويو 221 ڀيرا
داخلا جو حوالو انسائيڪلوپيڊيا جلد ٻيو

تائيوان

تائيوان (Taiwan): هن ملڪ جو سرڪاري نالو جمهوريه تائيوان (Republic of Taiwan) آهي ۽ پراڻو نالو فراموسا آهي. چيني زبان ۾ ان جي لغوي معنيٰ آهي ”خوبصورت ٻيٽ“. هي ملڪ اوڀر ايشيا ۾ آهي. هن جي اتراوڀر ۾چيني سمنڊ، اوڀر ۾ پئسِفِڪ سمنڊ، ڏکڻ ۾ ڏاکڻيون چيني سمنڊ، اولهه ۾ تائيوان گذرگاهه، جيڪا هن کي چين کان ڌار ڪري ٿي، موجود آهن. تائيوان جي ڪل پکيڙ 36000 چورس ڪلوميٽر (13896 چورس ميل) ۽ آبادي 2 ڪروڙ 23 لک 19 هزار آهي. تائيوان جي گادي جو هنڌ تائي پي (Taipei) ۽ سڀ کان مٿانهون هنڌ يوشان (بلندي: 3997 ميٽر) آهي. تائيوان جي سرڪاري ٻولي چيني آهي، جڏهن ته هتي انگريزي، جاپاني ۽ هاڪين ٻوليون به ڳالهايون وڃن ٿيون. تائيوان جي موسم خوشگوار رهندي آهي، گرمي ۾ گھڻيون برساتون پونديون آهن، جڏهن ته سردين ۾ موسم گھميل رهندي آهي. هتان جي مکيه زرعي پيداوار ۾ چانور، ڪيلو، ڏاڙهون، ڪمند، مٺا پٽاٽا، مڱيرا، چانهه، ڀاڄيون ۽ ميوا شامل آهن. هتان جي مکيه صنعتن ۾ ٽيڪسٽائل، اليڪٽرانڪ جو سامان، هوائي جهاز، ڪپڙو اڻڻ، ڪيميائي شيون، ڀاڻ، فوڊ پروسيسنگ، سيمينٽ، شيشو ۽ پلاسٽڪ آهي. تائيوان جي آزاديءَ جو ڏهاڙو 21 جنوري 1949ع آهي.


هن صفحي کي شيئر ڪريو

هن داخلا لاءِ تاريخ جا حوالا موجود نه آهن

ملڪ - ڀاڱي جون ٻِيون داخلائون

باگڙ ديس
بحرين
اسرائيل
افغانستان
برطانيا
برما
انڊيا
انگلنڊ
اردن
ايران
ملڪ ڀاڱي جا وڌيڪ مضمون