داخلا جي تاريخ 2012-03-20
داخلا نمبر 3306
عنوان بلوچ اسٽوڊنٽس آرگنائيزيشن
شاخ ادارا ۽ تنظيمون
پڙهيو ويو 305 ڀيرا
داخلا جو حوالو انسائيڪلوپيڊيا سنڌيانا جلد پهريون

بلوچ اسٽوڊنٽس آرگنائيزيشن

بلوچ اسٽوڊنٽس آرگنائيزيشن: بلوچ اسٽوڊنٽس آرگنائيزيشن (بي ايس او) 1967ع ۾ قائم ڪئي ويئي. هي شاگرد جماعت شروع ۾ ڪراچيءَ ۾ سرگرم رهي ڇاڪاڻ جو تن ڏينهن ۾ بلوچستان ۾ تعليمي ادارا گهٽ هئا ۽ بلوچ سان واسطو رکندڙ شاگرد ڪراچيءَ ۾ پڙهندا هئا. هي شاگرد تنظيم نعپ، بلوچ قوم پرست اڳواڻن ۽ ڪميونسٽ پارٽي آف پاڪستان جي زير اثر رهي. سنڌ ۾ جيڪب آباد، سنڌ يونيورسٽي ۽ زرعي ڪاليج/ زرعي يونيورسٽي ٽنڊوڄام ۾ هن تنظيم جا يونٽ رهيا آهن. 1970ع ۾ ڊاڪٽر عبدالحئي بلوچ نعپ جي پليٽ فارم تان قومي اسيمٻلي جي چونڊ کٽي. 1973ع کان 77ع تائين هن تنظيم جي ڪارڪنن هٿياربند مزاحمتي گوريلا جنگ ۾ پڻ حصو ورتو. بلوچستان جي اڄوڪي سياسي اڳواڻن سان ڊاڪٽر عبدالحئي بلوچ، عبدالمالڪ بلوچ، ثناءُ الله بلوچ، الهنواز بلوچ، غلام محمد بلوچ ۽ ٻيا بي. ايس. او جي ئي پيداوار آهن. هيءَ تنظيم نعپ جي حامي رهي. پر ان تي بندش ۽ بعد وارن واقعن ڪري تنظيم ۾ مختلف رجحان پيدا ٿيا. ستر واري ڏهاڪي ۾ بلوچستان ۾ وڌيڪ تعليمي ادارا کلڻ بعد صوبي جي مختلف علائقن ۾ ان جا يونٽ قائم ٿيا. ائين بلوچستان ۾ وچولي طبقي جي سياست رائج ڪرڻ جي بانيڪار بني .


هن صفحي کي شيئر ڪريو

داخلا ۾ استعمال ٿيل تاريخون

1967.00.00  عيسوي

بلوچ اسٽوڊنٽس آرگنائيزيشن (بي ايس او) 1967ع ۾ قائم ڪئي ويئي.



ادارا ۽ تنظيمون - ڀاڱي جون ٻِيون داخلائون

باغي منڊل ڪراچي
باقراڻي مدرسو
ٻارھين سنڌي ادبي ڪانفرنس دادو
ٻاويھين سنڌ ادبي ڪانفرنس
اردو ڊڪشنري بورڊ
ٻوٻي آئل فيلڊ
اسرا يونيورسٽي
اسڪالرز اڪيڊمي
اسڪائوٽنگ
اسلامي جمعيت طلبا
ادارا ۽ تنظيمون ڀاڱي جا وڌيڪ مضمون