داخلا جي تاريخ 2012-03-12
داخلا نمبر 2426
عنوان بقائي ميڊيڪل يونيورسٽي
شاخ ادارا ۽ تنظيمون
پڙهيو ويو 194 ڀيرا
داخلا جو حوالو انسائيڪلوپيڊيا سنڌيانا جلد پهريون
بقائي ميڊيڪل يونيورسٽي

بقائي ميڊيڪل يونيورسٽي

بقائي ميڊيڪل يونيورسٽي

بقائي ميڊيڪل يونيورسٽي: ملڪ جي معروف سرجن ڊاڪٽر فريدالدين بقائي ۽ ڊاڪٽر زاهده بقائي، 1960ع ڌاري ڪراچيءَ جي ڳتيل آباديءَ واري علائقي ناظم آباد ۾ هڪ طبي مرڪز قائم ڪيو، جيڪو 350 بسترن تي مشتمل بهتر طبي سهولتن سان خاص ڪري وچولي ۽ غريب طبقي لاءِ پهچ جوڳو هو. بعد ۾ طبي سهولتن جي اڻ هوند کي محسوس ڪندي، هنن ڪراچي جي سُپر هاءِ وي تي هڪ ڳوٺاڻو صحت مرڪز قائم ڪرڻ جو سوچيو ۽ 1976ع ڌاري بقائي ميڊيڪل ڪامپليڪس جو بنياد وڌو. ان اداري جي قيام جو مقصد ٻهراڙي جي آباديءَ کي صحت جون بهتر سهولتون مهيا ڪرڻ هو. بعد ۾ ڊاڪٽر بقائي ۽ سندس گهر واريءَ بقائي ميڊيڪل ڪاليج جو بنياد وجهڻ لاءِ ڪوششون ورتيون. 1988ع ۾ بقائي ميڊيڪل ڪاليج شروع ٿي ۽ 1990ع کان پاڪستان ميڊيڪل ۽ ڊينٽل ڪائونسل طرفان، بقائي اسپتال ناظم آباد ۾ طبي ڪلاس هلائڻ شروع ڪيا ويا. اڳتي هلي بقائي فائونڊيشن طرفان بقائي ڊينٽل ڪاليج به شروع ڪئي وئي، اها ڪراچيءَ جو پهريون ڊينٽل ڪاليج هو. جڏهن ته بقائي ميڊيڪل ۽ ڊينٽل ڪاليج جي پهرئين بئچ جڏهن تعليم پوري ڪئي ته کين ڪراچي يونيورسٽيءَ طرفان ڊگريون ڏنيون ويون. بعد ۾ پي. ايم. ڊي. سي طرفان الحاق مليو ۽ اڳتي هلي ان کي يونيورسٽيءَ جو درجو مليو، هن وقت بقائي ميڊيڪل يونيورسٽي جو شمار ملڪ جي بهترين ادارن ۾ ٿئي ٿو .


هن صفحي کي شيئر ڪريو