داخلا نمبر 155
عنوان باز محمد جوڻيجو ڊاڪٽر
شاخ شخصيتون
پڙهيو ويو 322 ڀيرا
داخلا جو حوالو انسائيڪلوپيڊيا سنڌيانا جلد پهريون
باز محمد جوڻيجو ڊاڪٽر

باز محمد جوڻيجو ڊاڪٽر

باز محمد جوڻيجو ڊاڪٽر

باز محمد جوڻيجو ڊاڪٽر: ڊاڪٽر باز محمد جوڻيجو 1947ع ڌاري، ضلعي دادوءَ جو ڳوٺ ”پاٽ“ ۾ پيدا ٿيو. ابتدائي ۽ ثانوي تعليم پنهنجي ڳوٺ مان حاصل ڪرڻ کان پوءِ، 1970ع ۾ يونيورسٽي آف پنجاب مان بي. وي. ايس سي ۽ بي. ايس. سي (اي- ايڇ) جي ڊگري حاصل ڪيائين. 1975ع ۾، سنڌ يونيورسٽيءَ مان، ايم. ايس. سي ڪيائين. 1970ع کان 1973ع تائين، وٽنري اسسٽنٽ سرجن جي حيثيت سان پڻ ڪم ڪندو رهيو. 1977ع تائين ڪيوريٽر، زولاجيڪل گارڊن حيدرآباد جي عهدي تي فائز رهيو. ان کان پوءِ 1983ع تائين اسسٽنٽ ڊائريڪٽر ۽ 1989ع تائين ڊزيز انويسٽيگيشن آفيسر رهيو. 1993ع تائين سينٽرل وٽرنري ڊائگنوسٽڪ سينٽر ٽنڊي ڄام ۾ ڊائريڪٽر ۽ ان بعد ڊائريڪٽر وٽرنري سنڌ رهيو. ان بعد سنڌ جي ائنيمل هسبينڊريءَ جو ڊائريڪٽر به رهيو. ڊاڪٽر باز محمد جوڻيجي، سنڌ ائنيمل هسبينڊريءَ کي متعارف ڪرائڻ لاءِ، سنڌ جي ڪيترين ئي اخبارن ۽ رسالن ۾ پنهنجون قلمي ڪوششون جاري رکيون. سندس ڪاوشن ۽ ڪوششن سان، ڊيري فارمر ۽ ان ڪم ۾ دلچسپي رکندڙ ماڻهن لاءِ ”ڊيري گائيڊ“ نالي هڪ ڪتاب ڇپجي چُڪو آهي، جيڪو هن ڊاڪٽر عابد ٿهيم ۽ ڊاڪٽر سعديه سان گڏجي تيار ڪيو.


هن صفحي کي شيئر ڪريو

داخلا ۾ استعمال ٿيل تاريخون

1947.00.00  عيسوي

ڊاڪٽر باز محمد جوڻيجو 1947ع ڌاري ، ضلعي دادوءَ جو ڳوٺ ” پاٽ “ ۾ پيدا ٿيو


  عيسوي



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون