داخلا نمبر 23
عنوان بابا گوبند داس
شاخ شخصيتون
پڙهيو ويو 912 ڀيرا
داخلا جو حوالو حوالا: متن سنڌي لئنگئيج اٿارٽي، تصويرون: وڪي پيڊيا، گگل ۽ ٻيون لاڳاپيل ويب سائيٽون توڙي ڪتاب

بابا گوبند داس

بابا گوبند داس: بابا گوبند داس جو جنم سنڌ ۾ دادو ضلعي جي ڳوٺ ٽلٽيءَ کان ٻن ٽن ميلن جي مفاصلي تي، گاڏه بستيءَ ۾ موٽومل گوڪلاڻيءَ جي گهر سال 1880ع ۾ ٿيو. سندس پهريون نالو ”دولت“ هو. سندس ماءُ جو نالو گنگا ٻائي هو. کيس ابتدائي تعليم لاڏڪرام ڏني، جنهن کان پوءِ دادوءَ جي سنت ڀڳترام جي شيوا جو موقعو مليس.
مائٽن کيس بوبڪ ۾ پسارڪو دڪان ڪڍي ڏنو، پر روحاني رهبري لاڏڪ رام ۽ ڀڳترام کان وٺندو رهيو. بابا گوبند داس جتي به ويندو هو، اتي درس کولي ويهي رهندو هو، ان ڪري سندس ڪيترائي معتقد بڻجي پيا. هو ماس نه کائڻ بابت ليڪچر ڏيندو هو ته وڏا وڏا علم وارا انهي گهڙيءَ عمل شروع ڪري ڏيندا هئا. جڏهن سندس گهرواريءَ لاڏاڻو ڪيو ته مائٽن کيس پرڻائڻ جا سانباها ڪيا، ته بابا گوبند داس ڪراچيءَ هليو ويو، جتان لاڏڪ رام کيس وٺي، 1927ع ۾ هالاڻي درٻار ۾ آيو، جتي سندس حصي ۾ ڀنڊاريءَ جي شيوا جو ڪم آيو. گوبند داس 1953ع ڌاري اجمير ۾ گروءَ جي گاديءَ تي ويٺو، جتي اجمير جي درٻار ٺهرائڻ شروع ڪيائين ۽ پاڻ تغاريون کڻندو هو. هي درويش مئي 1989ع ڌاري 108 سالن جي ڄمار ۾ گذاري ويو.


هن صفحي کي شيئر ڪريو

داخلا ۾ استعمال ٿيل تاريخون

1880.00.00  عيسوي

: بابا گوبند داس جو جنم سنڌ ۾ دادو ضلعي جي ڳوٺ ٽلٽيءَ کان ٻن ٽن ميلن جي مفاصلي تي ، گاڏه بستيءَ ۾ موٽومل گوڪلاڻيءَ جي گهر سال 1880ع ۾ ٿيو


1953.00.00  عيسوي

بابا گوبند داس 1953ع ڌاري اجمير ۾ گروءَ جي گاديءَ تي ويٺو


1989.05.00  عيسوي

بابا گوبند داس درويش مئي 1989ع ڌاري 108 سالن جي ڄمار ۾ گذاري ويو


  عيسوي



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون