داخلا نمبر 2856
عنوان ايشيا
شاخ ڪائنات
پڙهيو ويو 1859 ڀيرا
داخلا جو حوالو انسائيڪلوپيڊيا سنڌيانا جلد پهريون
ايشيا جو نقشو

ايشيا جو نقشو

ايشيا جو نقشو

ايشيا جو نقشو

ايشيا جو نقشو

ايشيا جو نقشو

ايشيا

ايشيا: ايشيا دنيا جو وڏي ۾ وڏو کنڊ آهي. يورپ سميت هي خشڪي جو وڏو زميني حصو آهي، جنهن کي يوريشيا (Eurasia) چون ٿا. يورپ سان گڏ هن جي سرحد ڪوهستان، يورال، دريائي يورال ۽ قفقاز سان گڏوگڏ آهي. 2006ع جي انگن اکرن موجب ايشيا کنڊ جي ڪُل آبادي 3,958,768,100 آهي، جنهن مان رڳو چين جي آبادي سوا ارب جي لڳ ڀڳ ۽ ڀارت جي آبادي 95 ڪروڙ جي لڳ ڀڳ آهي. وچ اوڀر کي ملائي ايشيا کنڊ جي ڪُل ايراضي لڳ ڀڳ 44579000 اسڪوائر ڪلوميٽر ٿيندي. الهندي ۾ باسفورس، در دانيال ۽ بحري يورپ کان جدا ڪري ٿو. اتر اوڀر ۾ آبنائي بيرنگ، اتر آمريڪا کان جدا ڪري ٿو. نهر سويز (بحري روم ۽ بحري قلزم جو وچ) ايشيا کي آفريڪا کان جدا ڪري ٿو. ڏکڻ ۾بحري عرب، اڀرندي ۾ بحري چين، بحري زرد، بحري جاپان، بحري اوڪوٽسڪ، بحري بيرنگ ۽ اتر ۾ بحر آرڪٽڪ آهي. ايشيا ۾ اردن، اسرائيل، افغانستان، انڊونيشيا، ايران، بحرين، برما، بنگلاديش، ڀارت، ڀوٽان، پاڪستان، سريلنڪا، ترڪي، ٿائيلينڊ، جاپان، ڏکڻ يمن، چين، فارموسا، روس (وڏو حصو)، سعودي عرب، فلسطين، عراق، سنگاپور، شام، عمان، فلپائن، قبرص، قطر، ڪويت، اتر ڪوريا، ڏکڻ ڪوريا، ڪمبوڊيا، لاؤس، لبنان، مالديپ، ملائيشيا، منگوليا، متحده عرب امارات، نيپال، ويتنام، يمن جمهوريه ۽ يونان اچي وڃن ٿا.
wikipedia
http://en.wikipedia.org/wiki/Asia

http://en.wikipedia.org/wiki/List_of_Asian_countries_by_population

http://en.wikipedia.org/wiki/List_of_Asian_countries_by_GDP


هن صفحي کي شيئر ڪريو

هن داخلا لاءِ تاريخ جا حوالا موجود نه آهن

ڪائنات - ڀاڱي جون ٻِيون داخلائون

باب السماءِ
ٻاٽ (اوندهه)
ايشيا
آسمان
تصوف
تخليق
ٽيڪٽونڪ پليٽون
ٽين دنيا
ڪائنات ڀاڱي جا وڌيڪ مضمون