داخلا نمبر 2129
عنوان اميد خيرپوري
شاخ شاعر
پڙهيو ويو 497 ڀيرا
داخلا جو حوالو انسائيڪلوپيڊيا سنڌيانا جلد پهريون

اميد خيرپوري

اُميد خيرپوري: مشهور شاعر اميد خيرپوريءَ جو پورو نالو اميد علي ولد زوار علي مراد جمالي آهي. شاعريءَ ۾ ”اميد خيرپوريءَ“ طور مشهور آهي. هو 14 آگسٽ 1929ع تي خيرپور ۾ پيدا ٿيو. اميد خيرپوري اديب عالم تائين تعليم حاصل ڪئي. کيس پوليس کاتي ۾ نوڪري ملي ۽ هيڊ ڪانسٽيبل جي حيثيت ۾ رٽائر ٿيو.
هن 1947ع کان شاعري شروع ڪئي. شاعريءَ ۾ ”حامي“ صاحب سندس استاد هو. هن هر صنف تي شاعري ڪئي آهي، کيس قطعي يا چؤسٽي تي ملڪو حاصل آهي. شاعري گهڻو ڪري پابند يعني علم عروض تي ڪندو آهي. اميد خيرپوريءَ جي ڪلام جو ڪوبه مجموعو ڇپيل نه آهي، پر سنڌ جي سمورين اخبارن ۽ رسالن ۾ سندس شاعري ڇپجندي رهي ٿي. ان کان سواءِ سندس ڪلام ريڊيو خيرپور تان پڻ نشر ٿيندو رهندو آهي. هن 7 جولاءِ 2007ع تي وفات ڪئي .


هن صفحي کي شيئر ڪريو

داخلا ۾ استعمال ٿيل تاريخون

1929.08.14  عيسوي

اميد خيرپوري 14 آگسٽ 1929ع تي خيرپور ۾ پيدا ٿيو


2007.07.07  عيسوي

اميد خيرپوري 7 جولاءِ 2007ع تي وفات ڪئي



شاعر - ڀاڱي جون ٻِيون داخلائون

باغي حليم
بائرن
آثم ناٿن شاهي
بچل
بخشڻ شاهه
بدر شاهه
بدر قريشي
ٻڍل فقير
ٻڍڙو فقير
ٻال ڪرشن ڊي ڪمل سرتاج
شاعر ڀاڱي جا وڌيڪ مضمون