داخلا نمبر 1276
عنوان اسماعيليه ائسوسيئيشن ڪراچي
شاخ ادارا ۽ تنظيمون
پڙهيو ويو 194 ڀيرا
داخلا جو حوالو

اسماعيليه ائسوسيئيشن ڪراچي

اسماعيليه ائسوسيئيشن، ڪراچي: هيءَ اسماعيلي فرقي جي تنظيم آهي، جنهن جي طرفان امام الزمان جا ارشاد سنڌيءَ ۽ اردوءَ ۾ ماهوار ”فرمان بليٽن“ جي عنوان سان شايع ٿيندا آهن ۽ ڪيترائي مذهبي ڪتاب پڻ ڇپايا ويا آهن. هن اداري طرفان اسماعيلي عقيدي جي اٺيتاليهين امام، سر سلطان محمد شاهه آغا خان ٽئين جي ”خود نوشتہ سوانح عمري“ ۽ ”تاريخ امامت“ مکيه ڪتاب شايع ڪيل آهن. اهڙا ڏهاڪو کن ڪتاب هن اداري ڇپايا آهن. هن اداري جي فرضن ۾ اهو به شامل آهي ته اسماعيلي ٻارن لاءِ سانجهيءَ واري وقت، مذهبي تعليم لاءِ، ڪلاسن هلائڻ جو بندوبست ۽ مذهبي تعليم جي سلسلي ۾ پوري ملڪ ۾ انتظام ڪري، واعظين ۽ مذهبي تعليم جي استادن جي سکيا جو ڪم به ڪري. هاڻي هن تنظيم کي ’اسماعيلي طريقه بورڊ‘ جو نالو ڏنو ويو آهي.


هن صفحي کي شيئر ڪريو