داخلا جي تاريخ 2012-03-21
داخلا نمبر 3446
عنوان آل پاڪستان نيوز پيپرز سوسائٽي
شاخ ادبي تنظيمون
پڙهيو ويو 474 ڀيرا
داخلا جو حوالو انسائيڪلوپيڊيا سنڌيانا (جلد پهريون)

آل پاڪستان نيوز پيپرز سوسائٽي

آل پاڪستان نيوز پيپرز سوسائٽي:پاڪستان جي اخبارن ۽ رسالن جي ملڪ گير تنظيم (APNS) جو بنياد 1958ع ڌاري پيو. هيءَ تنظيم هڪ طرف ته اخبارن جي حقن ۽ مفادن جو تحفظ ڪندي آهي ته ٻئي طرف صحافين سان دوستاڻا تعلقات قائم رکڻ کان سواءِ اشتهاري ايجنسين سان ڪاروباري تعلق قائم ڪندي آهي. ان کان سواءِ هيءَ تنظيم مختلف موضوعن تي صحافتي اوارڊ ۽ اشتهاري ايجنسين کي تشهيري اوارڊ به ڏيندي آهي. هن تنظيم سان لاڳاپيل روزاني اخبارن، هفتيوار مئگزينن، ماهوار رسالن ۽ ڊائجسٽن جو تعداد 185 کان وڌيڪ آهي. تنظيم پاران منظور ڪيل اشتهاري ايجنسيون 68 آهن. هن تنظيم جو پهريون چونڊيل صدر ”ڊان“ (DAWN) اخبار جو اي. جي مرزا هو. ان کان پوءِ ساليانين چونڊن ۾ ٿيندڙ صدرن ۾ مير خليل الرحمان، محمود هارون، يوسف هارون، عزيز احمد، قاضي محمد اڪبر، مجيد نظامي، حميد هارون، فصيح اقبال، فرهاد زيدي، مصطفيٰ صادق، مير شڪيل الرحمان، قاضي اسد عابد ۽ ٻيا شامل آهن.


هن صفحي کي شيئر ڪريو

هن داخلا لاءِ تاريخ جا حوالا موجود نه آهن

ادبي تنظيمون - ڀاڱي جون ٻِيون داخلائون

آل پاڪستان نيوز پيپرز سوسائٽي
ادبي تنظيمون ڀاڱي جا وڌيڪ مضمون